Tartankii Tobanaad ee ciyaaraha EUROSOM oo ka bilaawday magaalada Leicester ee dalka Ingriiska Sabti, Luuliyo 19, 2008 Waxaa galabta si habsami ah loo furay tartankii tobonaad ee ciyaaraha xagaaga Eurosom. Tartankan oo ka furmay magaalada Leicester ee dalka Ingriiska ayaa tobanjirsaday. Xafladda furtaanka oo si heer sare ah loo soo agaasimay ayaa waxaa ammaanteeda iska leh maamulka iyo guddigii qabanqaabada. Furitaankii ciyaaraha ayaa waxaa ka soo qayb galay ciyaaryahandii heerka kuwaad caan ku ahaan jiray dalka Soomaaliya, maamuladoodii, siyaasiyiin ka kala socotay magaalada Leicester, hay'ado wax kaalmeeya iyo dhamaan bulshaweynta isboortiga Somaaliyee ee wadanka Ingiririiska. Xafladan ayaa waxaa ay ka dhacdey garoonkii loogu talagalay iney ciyaarhan ka dhacaan, waxaan martidii halkaas isugu timid ay ka soo jeediyeen qudbado kala duwan oo ku wajahnaa ciyaarahan iyo dhamaan isdhexgalka dhalinyaradan ka kala timid wadamo kala duwan. Xafladaan ayaa waxaa furay Mudane Hashim Ducaale oo xiriiriyana ka ahaa kana tirsan guddiga qabanqaabada Eursom ee Leicester. Dadkii ka hadlay xaflada furitaankaas ayaa waxaa ka mid ahaa Duqa magaaladda Leicester (Lord Mayor) Manjula P Sood. Sood ayaa hadaladeedii waxaa ka mid ahaa in ay ku faraxsantahay in maanta ay aragto Somaalida sida ay marba marka ka danbeeysa ay horumarka ay ku talaabsanayaan. Waxaa sidoo kale halkaas ka hadlay: Mudane Cabdul Cismaan Guddoomiye ku xigeenka  degmada Leicester, Mudane Steve Hamphries Maamulaha guud ee ciyaaraha Olombikada fudud ee curyaamiinta Yurub 2008 ‘Leicester’, Mudane Isaaq Cabdi, Guddoomiyaha Dallada Ururada Soomaaliyeed ee Leicester, Mudane Chris Eyre, Taliye xigeenka Booliiska gobolka Leicestershire iyo Rutland, Marwo Jawaahir Daahir, Maamulaha Guud ee ururka Somali Development Services-SDS, Marwo Clare, maamulaha iyo xiriiriyaha guud ee ururada West Midlands, Mudane Axmed Bile, Maamulaha guddiga qabanqaabada ciyaaraha EuroSom/Leicester, Mudane Duraan Faarax, Guddoomiye ku xigeenka guddiga Olombikada Soomaaliyeed   Iyo Mudane Max’ed Diini, Guddoomiyaha Dallada EuroSom-ES   Waxaa lagu sharfay inay laadaan kubadda furitaanka ciyaaraha EuroSom ee Leicester 2008 Mudane Max’ed Ismaaciil Cali iyo Marwo Shukri Dhalbaas oo labadaba ka mid ahaa halyeeyadii Isboorti ee Soomaaliya.   Ciyaartii ugu horaysay ee furitaanka ciyaaraha ES 2008 waxaa fooda isku daray kooxaha Waaberi FC oo koonfurta London ka socotay iyo Leicester FC oo iyadu martigelisay ciyaarahan.   Ciyaataan oo aad u xiisa badnayd, ayna dad badani usoo daawasho tageen waxay guushii ku raacday kooxda Waaberi FC oo 3-1 kaga badiyay ciyaartoydii Leicester FC.   Ciyaartii 2aad ee isla maalintan furitaanka dhacday waxaa isaga horyimid kooxaha SUKAO ee Oslo-Norway iyo SOBSI oo dalkaasi Biljim ka socotay, waxaana ciyaartan loogu awood sheegtay kooxda SOBSI 4-1. Waxaa warbixintaa magaalada Leicester ee dalka Ingriiska nooga soo diray Cabdicasiis Godax Barre E-mail: agodah@hotmail.com Cayaartii maanta 20/7/08 waxaa loo awoos sheegtay kooxda Alhijra ee horyaalka qaaday sanadkii 2006 magaalada oslo norway waxaana 4-2 ku salaamay naadiga Magaalada Birmingham  cayaartan oo ahaayd cauyaar aad u xiiso badnaayd dadweeyne badanina aay ka soo qaaybgaleen. somalilandsports.net

xigasho Hiiraan .com