Kooxda Gaashaan oo Faaynalka u soo baxday Koobkii Gabilay Cup

Gabiley: Kooxaha Ciidanka Qaranka ee Gashaan & Kooxda D/hoose ee Hargeysa ayaa isagu soo hadhay Finalka tartanka Gobolka gabiley ee ka socday Magaalada Gabiley.

Kooxda Gashaan ayaa timid Finalka ka dib marki ay ka soo talaabsatay Kooxda da'da yare e FC Dhoobe kulankii Semi Finalka ee tartanka.

Ciyaar yahanada Siciid Viera & C/risaaq Quule ayaa kooxda gashaan u sahlay inay si dhib yar u istaagaan Kulanka Finalka ee tartanka ka dib markii ay dhaliyeen labada gool ee guushu kulankaas ku raacday, waxaana kulanka Finalka isaga hor iman doonaan Kooxda D/hoose ee Hargeysa oo iyadu kulan adag oo ay la yeelatay Kooxda Ciidanka Booliska ee Goodir ku soo dhaafay Rigoorayaal ka dib markii ciyaartii dhex martay labadaas koxood ay ku dhamaatay bar bar dhac 1-1 ah.

Kulanka Finalka ee Tartanka oo si weyn loo sugayo ayaa dhici doona Maalinta 22 Bishan ee Salaasada Wiigan.

Labadan kooox ayaa Nasiib u yeeshay inay ku hirdamaan koob ay ku tartamayeen 6 kooxood oo in dhawayd ba ka socday caasimada Gobolka Gabiley, tartankanina waa kii u horeeyay ee Noociisa ah ee lagu qabtay Gobolka Gabilay tan iyo intii Madaxweynaha JSL Mudane Daahir Rayaale Kaahin u magacaabay Gobolnimo

Lama saadaalin karo cidda qaadan doonta koobkan oo ah kii noociisa ah ee Gabilay lagu qabto waxaana laga warsugi doonaa cayaarta fainalka ah ee dhici doonta sahan dambe waana cayaar dadweeynuhu wada sugayaan .Labada kooxoodba waxaa u safta cayaaryahano caan ah iyo labada tababare oo ahaa ruugcadaaga Diridhaba iyo IId Jibriil oo ahaa cayaaryahan caana sanadihii dhawaa somaliland la arki doono sida loo kala badiyo.

somalilandsports.net