MAKA WAR HAAYSAA AKHRISTOOW RAGII AFRICA CAANKA KA AHAA SIDA ISMACIIL GARIILE OO KALE IN AAY TAARIIKH DHIGEEN MAANTANA WAXAAN SOO BANDHIGAYAA HALYAYGII K.CAGTA SOMALIA MACALIMU GARIILE                          

TAARIIKHDA GERIILE

 

Ismaaciil Geriile Faxal (Macalimuu) wuxuu ku dhashay xamar sannadkii 1942kii waxaanu ku barbaaray magaalada diiredhabe ismaaciil wuxuu yaraantiisa xiiseyn jiray ciyaaraha waxaanu ku hanaqaaday ciyaarta K cagta, ismaaciil wuxuu fagaaraha lagu hardamo ku soo biiray sannadkii 1957kii,wuxuuna u saftay dugsiga dhexe ee (ALANYASI) ee diiredhabe wuxuuna la soo baxay ciyar wanag iyo kari dheeri ah uu

u  hayo ciyaarta kubbada cagta.ismaacil wuxuu u tallaaby kooxaha waa weyn ee qeybta (A) sannadkii 1958kii wuxuuna ku soo baxay ciyaaryahan caalami ah ,intuu uu naadiga u safnaana wuxuu u soo hooyey horyaallo iyo koobab fara badan,kaddibna waxa aloo magacaabay kooxda qaranka ee dalka Itoobiya sannadkii 1963ki wuxuna ka qeyb galay ciyaaro rasmi ah waxaana lo aqoonsaday ciyaaryahanka qaradda afrika.

Ismaaciil geriile wuxuu kooxda qaranka ee dalka Itoobiya ugu soo ciyaaray dalalka ay ka mid yihiin : Kiinya,Yugaandha,Tansaaniya,Nayjeeriya,Gaana, Senigaal,Masar,Tuniisiya ,Marooko ,Girig, Itaaliya ,Faransa,Swidhen iyo dalka Suudaan,wuxuna fagaarayaasha kala  geddisan ka muujiyey ciyaar u qalanta heer caalami ah ,waxaana loo bixiyey (MU”ALIMU) oo ah sawaaxili macnaheeduna yahay macallin.

Ismaaciil geriile waxaa lagu qoray diiwaannada waa weyn e lagu keydiiyo taariikhda caalamka waxaana lagu soo faafiyey wargeysyada adduunka, telefishennada layska arlo iyo raadiyaha waxaana magaciisa lagu faafiyey afar kala geddisan sannadku markuu ahaa 1966kii..

Ismaaciil Geriile faxal isaga oo gartay waxa ay xornimadu tahay ,isaga oo dhuuxay dhibaadada gumeysiga iyo dibindaabyadiisa,ayuu wuxuu ku gacan sayray inuu gumeysiga u adeego wuxuuna u soo tallaabay dalka soomaaliya ee uu u dhashay waxaana si sharaf iyo kalgaceyl leh ugu soo dhaweeyey gegida dayuuradaha ee muqdisho kumanyaal qof oo ku nool gobalka banaadir ee xiiseeya ciyaaraha, madaxda naadiyad ciyaartoyda qeybta (A) iyo xariirka soomaaliyeed ee kubbadda cagta ,waxaana la guddoonsiiyey xirmooyin ubax ah,waxaana lagu soo galbiyey reynreyn iyo kalgaceyl dheeraad ah ummadda soomaaliya u hayso.Ismaaciil wuxuu,kaddib ku biiray ciyaartoyda soomaaliyeed wuxuna  markii u horraysay ,u saftay kooxda booliska waxaanu soo bandhigay ciyaar wacan iyo waayo araggnimo dheeraad ah oo uu ku lahaa kubbadda cagta ,muddo  kadib ,wuxuu u wareegay kooxda LL:PP .Ismaaciil wuxuu kaloo u saftay  naadiyada kala ah Gaadiidka ,Dowladda hoose,Xoogga dalka ,Dirir iyo Horseed,waxaanu raali geliyey dadweynaha ciyaaraha xiiseeya .Ismaaciil waxaa dabadeed loo magacaabay xulka qaranka ee dalka soomaaliya sannadku marki ahaa 1968kii  waxaanu ka soo ciyaaray dalalka Cadan,Tansaaniya Kinya Ugaandha,Shinaha Iyo Kuuriya, waxaanu ku soo baxay kaalinta loo sil saaray ,waxaanu mutaystay abaalgud fara badan .sannadku markuu ahaa 1974kii.Ismaaciil gariile faxal wuxuu ka fariistay ciyaarta kubbadda cagta iyadoo six ad dhaaf ah loo jecel yahay.  Ismaaciil wuxuu ka mid yahay ciyaartoyda adduunka sida tooska ah ugu qalin jebiyey ciyaarta kubbadda cagta..waxaa uu kadib uu tababary naadigii Somalitaks ee kubadda cagta iyo waliba Goblka Waqooyi Galbeed oo tababare u noqday sanadihii 83 waxaa aad looga tixgeliyaa Ismaaciil wadamada Djabouti ,Itobia iyo Somalia oo magac weeyn ku leeyahay waxaanu Ismaciil Iminka ku noolyahay magaalad DiriDawa ee cariga Kilinka 5aad ee Somalidu Degto.

Waxaa Soo diyaariyay

Hassan ataroos(waraabacadde)

 

London u.k