Waa in lagu dedaalaa in la kobciyo oo kor loo qaado Sportiga ama Ciyaaraha maadaama ay maskaxda fayoobi ku jirto jidhka fayow”Dr Axmed Xuseen.

Hargeysa(HWN):- Murashaxa jagada Madax-weynanimada ee Xisbiga Mucaarid ah ee KULMIYE Dr.Axmed Xuseen Ciise ayaa galabta ka qeyb-galay boqolaal dadweyne oo u badan dhalinyaro,daawashada Mid ka mida tar-tanka Ciyaaraha Koobka Ramadaanta oo ka socday Hargeysa Stadium ee Magaalada Hargeysa.

Waxaana halkaasi ku soo dhaweeyey oo uga mahad-naqay guud ahaabna dadweynihii gaar ahaana bahweynta Ciyaaraha, waxaanay sheegeen inay dhiiri-gelin u tahay da’a yarta Sportska inay Madaxdoodu kala soo qeyb-galaan kulamadooda Ciyaareed,

Tar-tanka koobkan Waxa maal-geliyey Dr Axmed Xuseen Ciise, isla markaana dhigay koobka lagu tartamayo, waxaana soo qaban qaabiyey dhalinyarada Sportiga qaar ka mida oo kala ah Mustafe Cabdi Cilmi [Qalbi],Shiine Axmed Maxamed iyo Iid Garas ayaa mahadnaq u soo jeediyay musharaxa,iyaga oo ku hambalyeeyay sida hagrasho la’aanta ah ee uu uga aqbalay markii ay ka codsadeen inuu isagu bixiyo kharashka ku baxaya iyo koobka tartankanba..

Dr:Axmed Xuseen Ciise oo halkaa ka hadlay ayaa sheegay faa’iidada ay Ciyaaruhu u leeyihiin da’a yarta soo koraysa oo uu ku tilmaamay inay yihiin jiilka leh dhaxalka wadankan,isla markaana kolba heerka kartiyeed ee maskax iyo jidh ahaanba ay tahay sidii loogu dedaali lahaa in la kobciyo oo kor loo qaado mar walbana la dhiiri-geliyo Ciyaaraha maadaama ay maskaxda fayoobi ay ku jirto jidhka fayow.
 

Xigasho Hadhwanaagnews