Hargeysa(HWN):- Waxaanu Jecelnahay inaan halkan idiinku soo gudbino wareysi aanu la yeelanay tababare Siciid Axmed Ismaaciil [Siciid Ango] oo layliya koox la yidhaahdo Saxansaxo oo ka mida kooxa heerka 2-aad ee ka dhisanCaasimadaHargeysa, oo ay maal-geliso Khadiija Bandare oo ku nool dalka Ingiriiska.

Waxaanu dhacay Wareysigii sidan:-

S:> Siciid Hawsha Ciyaaraha Kubada cagta goormaa kuugu horeysay ee aad faraha la gashay?

J:> Waxaan galay muddo haatan laga joogo 16-sanadood oo wakhtugaas oo aan bilaabay inaan noqdo Ciyaartoy, da�adeyduna ay aad u yareyd, waxaanan u soo ciyaaray kooxo heerar kala duwan leh.

S:> Ma noo magacaabi kartaa kooxdii kugu danbeysay ee aad Kubada Cagta u Ciyaartay?

J:> Haa, dabcan, kooxdeydii ugu danbeysay ee aan ka tirsanaa waxay ahayd kooxda ku ciyaari jirtay Magaca Shirkada UNIECO, oo ka mida kooxaha heerka kowaad ee ka dhisan Caasimada Hargeysa.

S:> Magaca Kooxda UNIECO ee aad sheegtay inaad u ciyaari jirtay kubada Cagta mudadii aad ka tirsanayd guulo intee leeg ayaad gaadheen?

J:>Waxaanu gaadhnay guulo-waaweyn oo aan horseed ka ahaa, waxaan kula guuleystay mudadii aan ka tirsanaa kooxdaasi, ilaa todoba koob.

S:> Caqabado intee leeg ayaad kala kulantay Wakhtigii aad ku dhex jirtay ciyaaraha kubada Cagta?

J: Waxaan kala kulmay caqabado aad u badan oo aan ugu dhabar adeygay qiimaynta aan u hayo Kubada Cagta, iyada oo dhaawac culusina uu iga soo gaadhay Jilibka.

S:> Yaa idin maalgeliya oo aad halkan uga mahad-celinaysaa?

J:> Waxa na maal-gelisa Khadiija Baandare oo ah muwaadinad ku nool dalka dibadiisa gaar ahaan dalka Ingiriiska, iyada oo noo suurta-gelisay qalabka sports ee aan u baahanay taasi oo aan odhan karo waa qof ku dayasho mudan, sida ay u dhiirigelinayaso da�ayarta soo kacaysa.

S:> Siciid boos ciyaareedkaagu dhinacee ayuu ahaa iyo weliba funaanada Numberkii aad u qaadan jirtay kooxihii aad soo martay?

J:> Waxa uu ahaa baasha midi gee weerarka naacsiisan, Numberkayguna waxa uu ahaa Numberka todobaad waxaan ku odhan karaa si aad ah ayaan ku jeclaa numberkaa.

S:> Weli ma u safatay kooxda Gobolka Hargeysa, se riyadaada ma ahayd inaad mar uun u safato?

J:> May, iimay suurtagelin laakin waan ku hamiyi jiray, haddii aan sii ciyaari lahaa waxaan hubaa inaan ka mid noqon lahaa oo aan guulo-waaweyn gaadhsiin lahaa.

S:> Shaqadan Tababaranimo ee aad ku hawlanayd mudada dheer goormaad bilowday? Se Ma dhaqaale ayaad ku qabtaa?

J:> Waxaan bilaabay muddo haatan laga joogo sideed sano ka hor, wax dhaqaale ahna kuma qabo, laakin waxaan taaganay wakhtigii aan mihnadayda tababaranimo ku qaadan lahaa mushahar, laakin waxaan ka doorbiday inaan mutaadawacnimo ugu shaqeeyo dhalinyarada.

S:> Tartankii Rabadaanta ee lagu qabtay Hargeysa Stadium Waxa lagu aqoonsaday tababarihii tartanka ugu wanaagsanaa maxaad dareentay?

J:> Waxay ahayd arrin aad ii farxad gelisay, oo aan in badan sugayey waxaanan u arkayey abaalmarin aan ku muteystay aqoonteyda tababaranimo.

S:> Ma noo sheegi kartaa Intii kooxeed ee aad soo tababartay?

J:> Haa, waxay kala ahaayeen 16-kooxood oo dhisan Caasimada Jamhuuriyada Somaliland ee Hargeysa, aniga oo aan u eegayn Xaafada ay ka dhisan yihiin, laakin u hurayey aqoontayda tababaranimo.

S:> Ciyaartoyadii aad iska soo garab Ciyaarteen yaad ku xusi kartaa, ee aad ugu jeclayd?

J:> Waxaan ugu jeclaa oo aan ku sheegi karaa oo aan ugu jeclaa sida laacibka Cabaas Cali Cabdilaahi [Cabaas Recoba] oo wakhigan ku sugan dalka India, Cabdifataax Shanbidhiidho, Ciise Maxamed Ciise, Cabdiqani Maxamed Nuur, Xamse Duubaayee, iyo qaar kale oo badan oo aan halakana ku soo koobi kareyn.

S:> Siciid Maxaad Isleedahay Wakhtigan Hoos-u-dhaca sports-ka way keeneen ama u sabab ah?

J:> Waxaan filayaa inaanay maamulin ciyaaraha Wadanka dadkii aqoonteeda iyo xirfadeeda lahaa ama ehelka u ahaa kuwaasi oo suuqyada iska jooga, haddii la hawlgelin lahaa wax badan ka bedeli lahaa kor u qaadista Ciyaaraha dalka, oo maraya wakhtigan marxaladii ugu xumeyd ee soo marta ciyaaraha oo aan odhan karo ciyaarihii wadanka �Ceelna uma qodna cidna uma maqnaa�.

S:> Ma noo sheegi kartaa Ciyaartooyadii aad soo tababartay qaar si gaara ku soo jiita?

J: > Haa, waxa ka mid ahaa Sharmaake Ismaaciil Warsame oo ku nool dalka Canada, Cabdiqaadir Saalax Xuseen [Mukule] oo ku nool imika Dalka Sweden, iyo Jamaal Jeesto oo ku sugan dalka India, Madar Xirsi oo isna jooga imika dalka Denmark, Maxamuud Askar oo isna jooga Dalka Suudaan iyo Maxamed Faarax Abaadir oo isna jooga Masar iyo Afar Ciyaartooy oo kusugan dalka gudihiisa, kuwaas oo kala ah: Mubaarig Cabdi Maxamed [Mubo Robinho], Idiris Baashe, Badri Yuusuf, Maxamuud Xuseen, Cabdale Maxamed iyo Rabadaan Cabdi Xuseen, Cabdiraxmaan Fabrigas iyo qaar kale oo badan oo aaan halakan ku soo koobi kareyn.

S:> Maxaad kula talin lahayd dadka qurba-jooga ee reer Somaliland iyo cidkasta oo Ciyaaraha kubada Cagta aadka u xiiseeya, adiga oo wareysigaagan uga faa�iideysanaya?

J:> Waxaan kula-talin lahaa inaya si hagar la�aana ay caawimo ugu soo fiyaan dhalinyarta da�ayarta ee ku sugan dalka si ay ugu sii dhiiradaan sii wadida Ciyaaraha Sportska oo ay ugaga fogaadaan balwadaha kala duduwan, waxaan jeclaan lahaa marka ay qalabka sportska u keenayaan inaanay cid ugu dhiib ee ay si toos ah u soo gaadhsiiyaan, waxaan ogahay haddii dadka qurba-joogi ay sidaa yeelaan inuu Sportsku uu horumar iyo hour-socod sameynayo.

Hadhwanaagnews.com/Office
Hargeysa/Somaliland.