Tartankii  koobka nabadda ee xaafadda Koodbuur waxaan ka taageernay habka farsamada iyo Garsoorka

         Xassan Waraabacadde  iyo Garsore Calami Yusuf Maweel

Tartankii qiimaha badnaa ee bishan horaanteedii lagu soo gabagabeeyay garoonka 31may oo aay isku haleeleen 6 kooxood oo xaafadda ahaa ayaa ahaa mid si aan hore loo arag loo soo abaabulay waxaana fakarkiisa iska lahaa dhalinta xaafadda odayaashooda oo iska kaashaday waxaana dhanka farsamada iyo garsoorka ka taageerayay Xasan waraabacadde oo ah nin aad u taageera had iyo goor sportiga somaliland iyo Garsoore Yusuf Maaweel oo isaguna ah garsoore haaysta shahaado caalami ah oo isna qurbajoogto ah.

Hadaba waxaan fursad u helnay in aan wareeysi dhinacyo badan taabanaya aan Xassan waraabacadde la yeelanay waxaanu wareeysugu u dhacay sidatan

Mudane Xassan bal waxaad nooga warantaa tartankii koobkan nabadda koodbuur yaa abaabulkiisa lahaa?                        

Jawaab: Mahadsanidiin waana suaal fiican dhabahaantii waxaa abaabulkiisa lahaa dhalinta xaafadda gaar ahaan odayadooda iyo maamulka garoonkaba waxaanan ka soo qaadan karaa Cabdoow,Maxamed, Bacaw, Shaadheey iyo waxgaradka sportiga intaba .

 

Suaal; Maxuu kaga duwanaa tartankani kuwii hore loo qaban jiray ?

Jawaab :Dhabahaantii aad buu uga duwanaa maadaama dhawr mar oo hore garoonka aay ka dhaceen rabshado ama iska horimaadyo sababay waxyaabo badan sida tartankii rabadaanka ee kal hore , kani waxaa la siiyay siminaar intaanu tartanku bilaabmin iyo shuruuc u gaar ah waxaanan ka taageernay dhanka farsamada waxaa kaloo laga xusi karaa dreeysyada loo qaybiyay kooxaha oo farxad aad ah galisay iyo yididiilo wanaagsan.

 

Suaal:Sportigu Xisbiyada soomaay gali jirin maxaa sababay hadda?

Jawaab:Waa runtaa sidaad la socotaba waxaa lagu jiraa xili kaambeeyn waxaana lagu tartamayaa waa dhalinyaradda oo leh codka ugu badan ayagaana safafka buuxiya oo aan daaleeyn waxaana isku soo beegmay tartanka xiliga la qabtay iyo abaalka ololaha xisbiyadda tartankana waxaa dhanka dhaqaalaha ka taageeray Mujaahid Maxamed Aar Dabcan waa nin Udub ah halkaasaa aay ka soo gashay in aay wax gashadaan .

Suaal:Adigu qaaybtaad ku lahaayd tartanka ?

Jawaab Waxaan ku lahaa dhanka farsamada waxaan kaloo aan soo martiqaaday  garsoore calami ah Yusuf Maaweel oo ahaa lafdhabarka tartanka oo waliba dadkii daawadayaasha ahaa aay sacab la garab socdeen maadaama habkuu u qabanayay aay ku qotameen sharciyadda calamiga ah waxaan kaloo qaayb ku lahaa ilaalinta anshaxa garoonka.

     Garsoore Yuusuf  Maaweel

Suaal:Maxaad u maleeynaaysaa mustaqbalka Cayaaraha Somaliland?

Jawaab: Waxaan is leeyahay waxaay u baahan yihiin waxyaabo badan si aay hore u sii talaabsadaan waxaa ka mid aha in la kobciyo aqoonta maamulka ,garsoorayaasha,macalimiinta isla markaana aay qabsadaan siminaaro lagu lafaguraayo waxa ka qaldan maadaama dalkan yar ee curdinka ahi aanu talaabo la sheegi karo ka qaadin dhanka cayaaraha waana muhiim taasi si loo helo istaraatiijiyad cad iyo qaabka loo hormarinayaba hadii intaas la helo waa la helayaa xal wanaagsan.

Aad baad u mahadsantahay mudane Xassan waraabacadde

 

Idinkaa mudan.

Wariye M .faarax

Oslo