Didier Drogba oo aad uga xanaaqay ka wareejinta laga wareejiyey abaal marinta xidiga Afrikka.
By Abdiaziz Godah on February 06,2008
Ciyaaryahanka u ciyaara wadanka Ivorycoast ee lagu magacaabo Didier Drogba ayaa aad uga xumaadey, kadib markii uu maqlay in lagu wareejiyey lana gudoonsiiyey abaal marintii laacibkii ama ciyaaryahankii ugu fiicnaa ee Afrikka Ciyaaryahanka reer Mali Frederic Kanoute.
War laga soo weriyey Drogba ayaa waxaa uu sheegayaa inuu yiri waxaan helay codadkii ugu badnaa ee tababarayaasha xulalka qaramadda Afrikka, sidaas ay tahayna waa uu waayey abaal marintan ugu qaalisan ee Africa, ka dib markii uu u safriwaayey meeshii lagu bixinayey abaalmarintaas oo ahayd wadanka Togo caasimadiisa Lome.-Xiriirka kubadda cagta Africa qofka ugu sareeya ayaa isoo wacay xilli galab aheyd waxaana uu igu wargeliyey, haddii aan imaanwaayo goobta, sharciga waan badaleeynaa abaalmarintana waxaan siinaynaa qofka kaalinta labaad galay, sidaas waxaa yiri Drogba.
Ciyaaryahankan Drogba oo aad u careeysnaa ayaa waxaa uu yiri, haddii ayba tahay abaalmarinta Africa sidan, maba aan rabo inaan ka mid noqdo ciyaaryahanada loo sharaxayo sanadaha soo socda.Ciyaaryahankan ayaa waxaa xiliga laga rabay inuu Togo tago uu wadankiis laba maalmood ka dib ciyaar ay layeelan lahaayeen wadankii Guinea, ciyaartaas oo loogu soobaxayey semifaynalka koobka qaramadda Africa.
Dhinaca kale Ciyaaryahanka reer Mali ayaa waxaa beryihii ugu danbeeyey ka hadlayey Jornaaladda Islamka, iyada oo uu ciyaaryahanka yahay ciyaaryahankii ugu horeeyey ee Muslim ah kana ciyaaraha kooxaha waaweyn ee Yurub uu ku dadaalay sidii uu u badbaadinlahaa masjid ku yaala wadanka Isbeyn kaas oo uu qiimihiisa gaarayey nus milyan euro. Masjidkan ayaa waxaa hadda iska leh muslimiinta.
xigasho somalisports
