Farxadii Manchester United iyo Firkanixii Arsenal 

 Weeraryahanka Wayne Rooney ayaa xalay loogu hambalyeeyay goolkii ugu horeeyay ee ka dhaliyay kooxda Arsenal, kulankii xalay oo Manchester United ugu quus-goysay 4-0 ciyaar ku tiirsanayd wajiga shanaad ee tartanka FA Cup-ka loo yaqaano.

Goolka Rooney  oo dhashay daqiiqadii 16-aad ee ciyaarta qaybteedii hore, waxa laybaystay oo ku xigsiiyay ciyaaryahanka Darren Fletcher oo isna kubad oo u soo karoosay ciyaaryahanka Nani shabaqa ku hubsaday. Goolka Saddexaadna waxa shabaqa la haleelay weeraryahanka Boortaqiiska ah ee Nani oo kulankii xalay aad garoonka ugu cadcadaa, isla-markaana ka faa’iidaystay kubad uu ka helay saaxiibkii Michael carrick. Ciyaaryahanka Emmanuel Ebou ee ka tirsan kooxda Arsenal ayaa ciyaarta dibadda looga saaray daqiiqadii 48-aad ee ciyaarta qaybteedii dambe, kubadii uu abuuray ciyaaryahanka Nani ayaa Ciyaaryahanka Fletcher ka faa’iidaystay mar labaad isaga oo shabaqa dhex-dhigay goolkii Afraad ee Manchester ku karbaashtay Arsenal.

Tababaraha Xulka Ingiriiska ayaa xalay daawanayay oo goob-joog ka ahaa goolkii uu gegida Old Trafford kaga farxiyay weeraryahankiisa Rooney.

Cristiano Ronaldo iyo Ryan Giggs ayaan labaduba ku jirin Line Up-kii Manchester United ee xalay.

Rooney oo ka maqnaa guuldaradii ay kooxdiisa Man City dhawaan baday ayaa xalay bidhbidhaha u shitay Arsenal. Ciyaaryahanka Luis Saha ayaa isna xalay aad u muuqday. Guushan ay xalay ka gaadhay Manchester United tartanka FA Cup-ku, waxa ay dhinaca kale niyad jab ku riday kooxda ay hogaanka isku daba socdaan ee Arsenal oo Shan dhibcood ka saray Man. Premiership-ka.

Tababaraha Arsenal, Wenger iyo Inamadii uu watay ayaa garoonka foorar iyo khajilaad kala baxay. Ronaldo ayaa markii ciyaartu dhamaatay isaga oo dhoola-qoslaya intuu madaxa lulay, gacan-qaaday wiilka ay dhinaca gool-dhalinta horyaalka Ingiriiska isku haystaan ee Adepayor, isla-markaana madaxa u salaaxay.

 

 By: Cabdiqani Xuseen Baynax