Ronaldinho: “kubada Cagtu  ilamay Dhalan oo walaalo ma nihin”

Xiddiga kooxda Barcelona, Ronaldinho ayaa u sheegay kooxaha AC Milan iyo Inter inuu ku faraxsan yahay xiisaha ay u qabaan isaga. Balse waxa uu sheegay in aanu qabeen dareenka ah u wareegitaanka labadaas kooxood ee xilliga Xagaaga innagu soo fool leh.

Weeraryahankan Brazili-ga ahi waxa ku adkaatay xilligan u ciyaaridda sidii looga bartay iyo maamulkii kubadeed ee uu ku caan baxay oo haatan u muuqda inay dhamaanba arimahaasi ka shax-gureen.

Ronaldinho waxa uu muddo saaxafada hogaaminta kooxda Barcelona uga maqnaa dhaawac soo gaadhay iyo qaab-ciyaareedkiisii oo uu ku yimi hoos-u-dhac ku yimi oo looga tuuray inuu hogaamiyo kooxda, waxaana muddooyinkan u dambeeyay si wayn isu soo tarayay wararka la xidhiidha ketigidda ciyaartoygan ee kooxda Barca marka uu dhamaado wakhti ciyaareedka hadda lagu jiro.

Haddaba, kooxaha Milan-nada AC iyo Inter ayaa isku dayo badan oo ay ugu dedaal galayaan inay ka soo fara-maroojistaan laacibka kooxda Barca iyaga oo uga faa’iidaysanaya arrintaas khilaafkan cakiran ee isaga iyo naadigiisa soo kala dhex-galay waxa ay labada si wayn u muujiyeen rabitaankooda Ronaldinho. Bal haddaba aynu eegno jawaabtii uu isna ka bixiyay arrintaas. “Kooxaha iyo Inter iyo Milan-ba way i rabaan. Balse waxaan leeyahay Maya, waad Mahadsan tihiin.” Sidaas waxa uu u sheegay Ronaldinho Janalka ciyaaraha ee TV-ga Talyaaniga oo arrintaas wax ka waydiiyay.

Waxa kale oo ka hadlay hoos-u-dhaca ku yimi kubadiisa: “Waa arrin dabiici ah in qaab-ciyaareedkaagu korna u kaco, hoosna u dhacao. Waayo, Aniga kubada Cagtu  ilama Dhalan oo walaalo ma nihin. Waan isku dayayaa sidii aan u kasban lahaa taageerayaashayada, Waxaan dareemaa taageerayaashu siday ii taageeraan. Markay ku heesaan magacayga garoonka dhexdiisa.”

 Waxa uu ugu dambayntii ka hadlay arrinta dhaawaca saaxiibkii Ronaldo: “Waxaan rajaynayaa inuu helayo Inankiisa oo kaba wanaagsanaa. Aad baan uga xumahay. Laakiin waxaan u rajaynayaa inay arrimuhu sax u noqdaan isaga.”

somalilandsports.net