Messi oo loo aqoonsaday Xiddiga Latin Ameerika ee sanadkii tagay Weeraryahanka Xulka Qaranka Arjantiin iyo kooxda Barcelona, Lionel Messi ayaa ku guulaystay Biladda Ciyaaryahankii ugu fiicnaa Qaaradda Latin Ameerika ee sanadkii la soo dhaafay. Xaflad shalay gelinkii hore lagu qabtay gegida Camp Nou, waxaana halkaas Messi ku gudoonsiiyay Billada Gudoomiyaha xidhiidhka kubada cagta Qaaradda Latin Amerika, Alex Grijelmo, waxaana la socday Waalidiinta Dhashay Messi, Walaaladii iyo xubno kale oo qoyskiisa ka tirsan kuwaasoo goob-joog ka wada ahaa Xafladaas. Waxay hada noqonaysaa sanadkii 17-aad ee xidhiidhkaasi sameeyo qiimayntan mid la mid ah, isla-markaana ku dhawaaqo ciyaaryahanka sanadka ugu wanaagsan Qaaradaa, waxaana uu Messi kaga adkaaday, kagana guulaystay abaal-marintan xiddiga Daniel Alves iyo ciyaaryahanka ay ka wada tirsan yihiin kooxda Barcelona ee Ronaldinho, waxaana codayn ku kala saaray xubno ka tirsan EFE Messi waxa uu si farxad leh u gudoomay abaal-marintaas, isaga oo ku adkaystay inuu rajaynayo sii wada halganka uu ugu jiro inuu noqdo laacibka adduunka oo uu sheegay intay abaal-marintani gogol-xaadh u tahay. "Waxaan jecelahay in aan u mahadnaqo wakiilka innagala jooga EFE, iyo dadka kale ee halkan joob-jooga ka ah, sida qoyskayga iyo Kabtankayga Carlos Puyol. Aad bay u qurux badan tahay in lay soo gaadhsiiyo abaal-marintan, waxayna I siinaysa mooraal wanaag aad u sareeya si aan u soo koro oo u noqdo ciyaaryahan dunida ku wayn.” Waxa uu sidaa u sheegay Messi Saxaafada isaga oo dareenkiisa farxad ku cabirayay, ka dib markii gacanta laga saaray abaal-marinta uu hantay. ka hor intii aan Messi la gudoonsiin abaal-marinta waxa ka hadlay Grijemo: “Messi waxa uu ka mid yahay ciyaartoyda aan ku raaxaysto daawashadooda. Maantana wuxuu ku guulaystay billad muhiim ah. Dadka ayaa leh waa Maradona-ha cusub, laga yaabaa inuu kaba fiicnaado, waa nin yar da’ ahaan haddana ku hamiyaya inuu noqdo ciyaartoy caalamiya oo khabiira.” Messi waxa uu noqonayaa ciyaaryahankii Lixaad ee u dhashay wadanka Arjantiin ee ku guulaystay billadan, iyada oo ay lugahooda hore ugu soo guulaysteen ciyaaryahanada Arjantiin ee kala ah, Diego Simeone, Martin Herrera, Fernando Redondo, J avier Saviola iyo Pablo Aimar. Milan oo diiradda ku haysa xiddiga Adebayor Naadiga AC Milan, ayaa ku kalsoon helitaanka wakhtiga Xagaaga ee laacibka kooxda Arsenal weerarka uga ciyaara, Emmanuel Adebayor, sida uu faafiyay wargeyska Corriere dello Sport oo ka soo baxa wadanka Talyaaniga. Xiddigan u dhashay wadanka Togo waxa uu ka qayb-galay kulankii ay AC Milan iyo Arsenal isaga horyimaadeen gegida wayn ee Eimarates Stadium habeenimadii Arbacadii Todobaadkii aynu ka soo gudubnay, kulankaas oo ka tirsanaa tartanka horyaalka kooxaha Yurub (Champion-ka), taasoo ay labada kooxood isla dhaafi waayeen barbar dhac, iyada oo kulankooda dambana la tegi doono gegida San Siro, ee AC Milan awooda ku leedahay. Inkasta oo aanu nasiib u helin Adebayor inuu shabaqa ku kubada, fursad fiican oo uu helay qaybtii dambe ee ciyaarta. Haddana waxa uu farsamo ahaan soo jiitay maamulka kooxdaas. Kooxda Horyaalka u ah naadiyada Yurub waxa rabtaa inay la saxeexato heshiis ciyaaryahanada Yurub ugu awooda badan Xagaagan. Ronaldo ayaa dhaawac soo gaadhay ku dhawaad Sagaal bilood kaga maqnaanaya, Alberto Gilardino ayaa isna lagu wadaa inuu u wareego kooxda Fiorentina, halka Filippo Inzaghi With Ronaldo out of action for at least nine months, Alberto Gilardino possibly leaving to join Fiorentina, and Filippo Inzaghi Shan iyo Soddon jirsanayo. Sidaa daraadeed, kooxda Milan waxay daydayanaysaa weeraryahan u safta oo da’yar, kaasoo ka garab ciyaara wiilka dhalinta yare e Alexandre Pato oo dhawaan kooxdu heshiis kula soo wareegtay. Ciyaaryahanka ay fursada koowaad ku iibsanayso waxa uu yahay Didier Drogba. Si kastaba ha ahaatee, ciyaaryahanka Ammanuel Adebayor ayay hadda kooxdu rabitaankeeda heeryada dul-dhigatay. Ciyaaryahanka da’da yar oo February 12-keedii 23 jirsaday waxa uu wakhti ciyaareedkan aad u kobciyay xirfadiisa, isaga oo gool-dhalinta horyaalka Ingiriiska ku hogaaminaya 19 gool, isla-markaana kooxda Arsenal u suurto-geliyay inay hogaanka ku qabato goolashiisaa tirada badan. Hleb: “Meel kasta oo kubadu joogto, Flamini wuu joogaa” Ciyaaryahanka khadka dhexe uga ciyaara naadiga Arsenal, Alexander Hleb ayaa tilmaamay siday lama huraan ugu tahay naadigiisa inay heshiis muddadiisu dheer tahay la galaan laacibkooda Flamini. Maruu u waramayay Setanta Sports Wargeys la yidhaahdo, ka dib kulankii ay AC Milan isku barbareeyaan, waxa uu tilmaamay inuu xubin firfircoon ka ahaa ninkan Faransiiska ahi. Flamini waxa uu is-hortaagay laacibkii Sanadka Yurub iyo Adduunka, Kaka, iyo kubad sameeyaha Talyaaniga ah ee Andrea Pirlo, kuwaasoo rabay inay Arsenal gurigeeda ku soo karbaashaan. Kulankaasi waxa uu daaha ka furay in wakhti ciyaareedkan uu laacibka Flamini ka mid noqonayo ciyaaryahanada hogaamiyaha khadka dhexe ee Qaaradda Yurub, inkasta oo ay culayska saarayaan ciyaaryahanada uu ka garabka ciyaaro ee ay ka mid yihiin Cesc Fabregas, Emmanuel Adepayor iyo Hleb oo uga faro dhuudhuuban dhinaca saxaafada oo aad u buunbuunisa. Flamini wuxuu jeclaystay inuu ku negaado kooxda waqooyiga Lonodon, ciyaaryahanka Hleb-na wuu isna rabaa inuu sameeyo wax kasta oo ay Arsenal ku ilaashanayso shaqada ciyaaryahanka 23 jirka ah. "Aniga shakhsiyan aad bay arrintani imuhiim igu tahay, in heshiis dheer lala galo Flamini, waxaan u malaynayaa inay Arsenal-na ila mid tahay. Waa ciyaaryahan cijiib . Run ahaantii meel kasta oo ay kubadu joogto isna wuu joogaa. Waxaan umalaynayaa inuu si fiican u ciyaaray, Gennaro Gattuso-na dilay, aad baan ciyaartiisa u jecelahay, muhiimna noogu yahay.”   Cabdiqani xuseen Baynax