Waxaan soo dhaweeynaaynaa Tartan cayaareedka loo dhigay  kooxaha heerka labaad ee caasimada Hargeisa(XssanWaraabacadde)

 

Waxaa manta noo suura gashay in aan wareeysi la yeelano Gudoomiyaha Horumarinta cayaaraha Somaliland oo haatan ku sugan cariga Ingriiska UK magaalada London.

Waraabacadde waxaa uu ka mid yahay amaba uu horyaal u yahay dadka aan ka daalin gacansiinta cayaaraha Somaliland waxaana loo yaqaanaa mujaahidka isportga Somaliland.

Waxaanu ku bilaawday wareeysigii mudane Xassan Waraabacadde ku soo dhawoow wareeysigan khaaska ah.

Waraabacadde:aad baan ugu faraxsanahay fursadaan qaaliga ee aad I sii seen waanan idiin mahad celinayaa adiga iyo bahda saxaafadda meel kastoo aad joogtaan.

Suaal:Mudane waraabacadde waxaa ka bilaabmay magaalada Hargeisa Tartan cayaaraha heerka labaad tartankaasi ma la socotaa?

Jawaab: Walaahi qabanqaabadiisa waan la socday fikradiisana waxbaan ku lahaa in tartamada laga soo dhiso xagga hoose oo fursado la siiyo dhalinta kooxaha heerka labaad iyo sadexaad Cda ah sidaa daraadeed aad baan u soo dhaweeynayaa .

 

Suaal:Sidaad la socotaba in dhaweeyd wax cayaaraha ah lama qaban taasi miyaanay keeneeyn dib u dhac xagga cayaaraha ah?

Jawaab: Waa runtaa in cayaaraha Somaliland hakad galaan oo aaynaayn lahaayn jadwal sanadeed qeexaya sida cayaarahu u dhacayaan oo kolba la qabto wixii awoodu tahay, taa macneeheedu maahan in aan wax la qaban Karin ee waa in shaxda cayaar sanadeedka la sameeyo sideedana loo hirgaliyo.

 

Suaal:Kooxaha heer koowaad ilaa hadda ma muuqato wax cayaaro ah ama horyaal dadka soo jiita oo lagu jiheeyo dhalinta ma kuu muuqataa qaab kale oo lagu qaban karo tartamo ayagana?

Jawaab: Waxaan qirayaa in muraayada cayaaraha dal laga daawado uu yahay kolba heerka cayaaraha aay ka gaaraan kooxaha heerka koowaad waxaan qirayaa in sidii larbay aanay wali u soco ama duruufa jira ha noqdeen ama dadaal laan ha noqdeen meesha qura ee dhalinyaradda jeedin kartaa waa sportiga oo la hirgaliyo si cilmi ah maadaama sanadahan dambe dhalinyaradii aay tahriibayaan in lagu jiheeyo sportiga waalagama maarmaan waxaana hirgalinta hawshaas iska leh masuuliyiinta sida iminkaba loo bilaabay tartankan kooxaha heerka labaad in ahmiyadana la siiyo kuwa koowaad mustaqbalka dhaw hadii ilaah ogolaado.

 

Suaal: Waxaad kow ka tahay dadka lagu tiriyo in aay caawiyaan cayaaraha maxaad ku soo kordhin doontaa tartamadan iyo mustaqbalkaba?

Jawaab: Walaal waa la i soo war galiyay tartankan waxaanan jeclahay in qaayb weeyn ku yeesho dhawaan maadama duruufo gaar ahaa aan hayay,waanse dhanka kale dhaliyaradda ugu bushaareeynayaa in la soo gaaray wakhtigii la maalgalinlahaa garoomada iyo kooxaha iyo waliba cayaaryahanada Somaliland ee muujiya karti loo raadin lahaa naadiyo, hawshaas oo la filayo dhawaan in aay khubaradaasi iman doonto dalka  waana bishaara wanaagsan oonan ka sii hordhaceeyn anigu.

 

Suaal: Gudoomiye maxaad faraaysaa dadka cayaaraha jecel iyo cayaartooyda?

Jwaab: Waxaan farayaa sabir in loo yeesho waxkastoo jiraba lana jaad qaadno duruufaha kolba ka jira dalka, waxaana ku kalsoonahay in maalin ,maalmaha ka mida aay Somaliland noqondoonto hoyiga sportiga geeska afrika waxaase ka horeeya sabir iyo dulqaad, dadka aqoonta cayaaraha lehna waxaan ku boorinayaa in aayn iska ilaaliyaan khilaaf aan macno lahaayn aayna u midoobaan sidii aaynu talaabo hormarineed ugu horseedi lahaayeen dhalinta manta ku fakareeysa tahriib.

 

Waad mahadsantahay mudane Xassan

Adaa mudan

Wariye M.Farax

London Uk